Tilbod til skular

Nærbø
Litteratur og forteljing
Skular og skuleklassar

Ønskjer du bokkasse eller boktips til elevane, høglesingstips eller vil de besøkja biblioteket?

Fellessamlinga
Fellessamlinga
Fellessamlinga

Bokkassar

Me lagar gjerne til bokkassar til SFO, skuleklassar eller vaksenopplæring. Dersom du er tilsett i skule, kan du oppretta eit institusjonslånekort i Hå bibliotek. Bøkene du ynskjer å låna til elevane på skulen vert då lånt ut på institusjonslånekortet ditt og plassert i ein kasse. Slik vert det enkelt for deg å få med deg bøkene. Be gjerne om ein utskrift av lånet, slik at det vert lettare for deg å halda oversikt over bøkene.

Ved kontakt gjev du beskjed kva type bøker du ynskjer deg. Nokre gongar er det aktuelt med bøker innanfor eit tema, eller bøker i ein bestemt sjanger. Andre gongar ynskjer du gjerne eit variert utval for å stimulera til leselyst.

Kvifor bør høgtlesing prioriterast i skulen?

  • Høgtlesing kan stimulera leseutviklinga, som gjenkjenning av bokstavar og auka fonologisk medvit
  • Elevane kan bli betre i skriftspråk ved å bli kjent med korleis forteljingar og grammatikk er bygd opp
  • Barn kan forstå mykje meir komplekse tekstar enn dei klarer å lesa sjølv. Krevande tekstar kan motivera til å læra sidan elevane blir eksponert for tankar og idèar over sitt eige lesenivå.
  • Litteratur bidreg til å øva opp elevane si evne til å empati.
  • Høgtlesing skapar sosialt felleskap og bidreg til betre klassemiljø
  • Barn og ungdom får positive opplevingar med lesing og kan bli motivert til meir lesing på eiga hand

Kjelder: forskning.no, !les, UiS: Høytlesing i norsktimen på ungdomsskolen?

Boktips

Boktipsa for mellomtrinn, ungdomsskule og vidaregåande er delt inn i emne og sjanger. Boktipsa for småskuletrinnet er delt i to aldersgrupper, samt laga eit skilje mellom bøker spesielt eigna til høgtlesing og bøker eigna for elevane til å lesa på eiga hand.

Klassebesøk

Alle klassar kan, saman med ansvarlege lærarar, besøkja biblioteket for å låna bøker i opningstida vår. Det er fint med ein beskjed i førekant, slik at me kan ordna med ein ekstra person i skranken når de kjem.

Årlege invitasjonar til 1. og 6. trinn i biblioteket på Nærbø

Ved hovudbiblioteket på Nærbø plar me invitera skuleklassane ved Bø, Høyland og Motland til å besøkja biblioteket med bokpresentasjonar etter denne planen:

  • 1. trinn om våren. Elevane får utdelt lånekort dersom føresette har skrive under på dette.
  • 6. trinn om hausten

Lesestund eller presentasjon av bøker

Dersom de ynskjer ei lesestund eller presentasjon av bøker utanom dei faste invitasjonane på 1. og 6. trinn, tek de kontakt med biblioteket i god tid på førehand.

Lesekampanjer

I samband med lesekampanjar på skulane ligg hovudansvaret for oppfølging hjå skulebibliotekarane, men de kan gjerne bestilla bokkassar frå oss på hovudbiblioteket og/ eller koma på besøk her klassevis/ trinn for at elevane skal få eit større utval av bøker å låna.

Kvart år blir det arrangert leselystaksjonar for elevar på alle trinn i regi av Foreningen !les. Som lærar kan du melda på elevgruppe og motta materiell og tips til gjennomføring.

Sommarles er ein nasjonal, digital årleg sommarleskampanje for alle barn i 1. – 7. klasse i regi av biblioteka. Den skaper stort engasjement og du som lærar kan vera med å motivera elevane til å delta og slik bidra til leselyst gjennom heile juni, juli og august.

Fellessamlinga

Fellessamlinga er ei samling bøker som er felles for alle skulane i Hå. Her kan vera klassesett av same tittel, bokkassar med fleire titlar av same forfattar eller kassar med bøker innanfor ein sjanger eller eit emne.

Nettressursar

Kontakt

Anette Garvik

Anette Garvik

agar@ha.kommune.no 94 13 29 76

Bibliotek som tilbyr tenesta:

  • Nærbø
Tilbod til skular | Hå bibliotek